Главната државна обвинителка Пам Бонди изјави дека администрацијата на Трамп не се плаши да ги прошири своите законски овластувања за распоредување на војската во Лос Анџелес, доколку тоа биде потребно за да се стави крај на немирите. Бонди на прашања на CNN во Белата куќа нагласи дека моменталната ситуација во Калифорнија е под контрола, но дека не се исклучени дополнителни мерки, вклучително и активирање на Законот за бунт од 1807 година, кој му овозможува на претседателот да користи воени сили за гаснење на бунт или востание на американска територија.
Иако Трамп повеќепати ги нарекуваше демонстрантите во Лос Анџелес „бунтовници“, засега не ја користеше оваа ретка законска мерка. Сепак, Бонди денеска сугерираше дека таа опција останува отворена доколку немирите продолжат.
Администрацијата има надеж дека воведувањето на полицискиот час ќе ја смири ситуацијата, но Бонди потенцираше дека ќе сторат сè што е во рамките на нивните законски овластувања за да ги заштитат полицајците и граѓаните на Калифорнија и да ја обезбедат безбедноста во овој чувствителен момент.
