Несреќа на авион на „Ер Индија“: Нема преживеани, потврди шефот на полицијата
Ниту еден патник не ја преживеал денешната авионска несреќа на „Ер Индија“, што се случи во близина на аеродромот во Ахмедабад, Индија, изјави шефот на градската полиција за агенцијата Асошиејтед Прес.
„Сè укажува на тоа дека нема преживеани“, изјави полицискиот функционер, наведувајќи дека увидот на местото на трагедијата е во тек.
Претходно, во болниците во регионот беа пренесени над 100 тела, додека официјалниот број на жртви сè уште не е потврден од надлежните институции.
Се очекуваат повеќе информации по завршување на истрагата и идентификацијата на жртвите.
