[ВИДЕО] Голем пожар во Дубаи: Итно евакуирани речиси 4.000 станари од облакодер

Во елитната населба Дубаи Марина синоќа избувна голем пожар во облакодер со 67 ката, по што итно беа евакуирани речиси 4.000 лица.

Како што пренесуваат локалните медиуми, пожарот избувнал доцна во петокот вечерта, а траел околу шест часа. Екипите на Граѓанска одбрана на Дубаи успеале да го стават под контрола и целосно да го изгаснат во денес во раните утрински часови.

😱Dubai skyscraper engulfed in massive fire — nearly 4,000 people evacuated from the building

Fortunately, there were no casualties. Rescue teams responded quickly and assure that the residents of the complex are now safe. pic.twitter.com/eBX4KZ7I7L

— NEXTA (@nexta_tv) June 14, 2025

Според официјалните информации објавени од Канцеларијата за медиуми на Дубаи (Dubai Media Office), брзата интервенција на противпожарните и спасувачките служби спречила човечки жртви. Успешно се евакуирани вкупно 3.820 лица од 764 станови, а нема пријавени повредени.

Очевидци велат дека пожарот постепено почнал да стивнува околу 1:30 по полноќ.

BREAKING:

🇦🇪 A building is burning in Dubai pic.twitter.com/21onLd9quB

— Megatron (@Megatron_ron) June 14, 2025

„Гореше околу два часа. Имаше многу пепел и отпад што паѓаше од зградата. Се чинеше дека службите ја држеа ситуацијата под контрола“, изјави еден од жителите од соседна зграда за локален медиум.

Причините за пожарот засега не се официјално соопштени, а властите отворија истрага.

Following the containment of the fire and the safe evacuation of all residents, the smoke currently visible at the site is due to ongoing cooling operations as part of the firefighting process. Control measures remain in place and the situation is fully managed by the… pic.twitter.com/53vYEwyu1t

— Dubai Media Office (@DXBMediaOffice) June 14, 2025