Во израелски воздушни напади денеска бил убиен шефот на разузнавачката служба на Иранската револуционерна гарда (ИРГЦ), Мохамед Каземи, објавија повеќе светски медиуми повикувајќи се на иранската новинска агенција Тасним. Заедно со него, во нападите загинале и неговиот заменик Хасан Мохакек, како и висок командант во гарда, Мохсен Бакери.
Во интервју емитувано претходно денеска, израелскиот премиер Бенјамин Нетанјаху за „Фокс њуз“ изјави:
„Можам да ви кажам дека ги елиминиравме нивниот главен разузнавач и неговиот заменик во Техеран.“
Истовремено, иранското Министерство за здравство соопшти дека бројот на жртви во земјата драстично се зголемил и сега изнесува 224, што е речиси сто повеќе од претходно потврдените 128 жртви. Ова е најтешкиот удар врз ИРГЦ во последните години и може да предизвика ескалација на веќе затегнатите односи меѓу двете држави.
