Во американскиот Конгрес е претставен двопартиски предлог резолуција со која се настојува да се спречи претседателот Доналд Трамп да започне воен напад врз Иран без согласност од Конгресот.
Ретка политичка коалиција ја сочинуваат републиканецот Томас Маси и истакнати демократи, вклучувајќи ја и Александар Окасио-Кортез.
„Уставот не дозволува извршната власт еднострано да започне воен чин против суверена држава која не ја нападнала САД,“ рече Маси. Тој додаде дека само Конгресот има овластување да објави војна и нагласи:
„Воен конфликт помеѓу Израел и Иран не е наша војна. Дури и да беше, според Уставот тоа мора да го одлучи Конгресот.“
Оваа резолуција следува по предупредувањата од сенаторот Берни Сандерс, еден од најголемите демократи критичари на американскиот воен интервенционизам.
Целта е да се ограничат овластувањата на Белата куќа во водењето надворешна политика во време кога Трамп сè поотворено заканува со воена акција против иранските нуклеарни постројки, што би можело да вовлече САД во директен конфликт со Техеран.
