Црна Хроника

Инцидент вечерва во Чаир – Повредените пренесени во болница

Вечерва нешто пред 20 часот, на крстосницата меѓу улиците „Цветан Димов“ и „Џон Кенеди“ во скопската општина Чаир избувнала физичка пресметка во која биле употребени ножеви, а три лица завршиле со телесни повреди.

Според информациите од Министерството за внатрешни работи, инцидентот се случил во 19:48 часот, по претходно недоразбирање. Во пресметката учествувале малолетно лице на возраст од 14 години, како и две полнолетни лица – С.Р. (64) и Б.С. (18), сите од Скопје.

Повредените се пренесени на медицинска помош во Градската општа болница „Св. Наум Охридски“ и во Клиничкиот центар „Мајка Тереза“.

Полицијата е на терен и работи на целосно расчистување на случајот. Причините за расправијата, како и околностите под кои дошло до употреба на ножеви, засега не се познати.

Црна Хроника

Лажел дека е туристички агент и украл 6.080 евра

Кривична пријава за измама поднел СВР Куманово против Е.Б.(33) од Куманово.

Како што соопшти полицијата, тој се претставил како вработен во туристичка агенција во Куманово и на измама од едно лице, за резервација за летување за две семејства во Турција, зел 373 890 денари (6.080 евра), соопшти СВР Куманово.

Црна Хроника

Кривична за багеристот што го остави Тетово без струја

СВР Тетово поднесе кривична пријава против Б.А. (44) од с. Боговиње, како и против Ф.А. (45) од с. Боговиње, управител на правен субјект, товарејќи ги за сторено кривично дело „уништување или оштетување на јавни инсталации“.

На 29 септември, првопријавениот во дворот од Клиничка болница Тетово, додека работел со багер во сопственост на правното лице, оштетил електрични кабли за струја, по што, голем дел од градот Тетово останал без електрична енергија.

Црна Хроника

Интервентната полиција приведе тежок криминалец – МВР со детали

Лишено од слобода лице барано со потерница за издржување казна затвор

Денеска (18.12.2025) во 16:30 часот полициски службеници од Единицата за интервентна полиција при СВР Скопје по издадена судска наредба го лишија од слобода Е.Т. (26) од Скопје во врска со сторено кривично дело “Тешка кражба” за издржување на казна затвор во времетраење од три години.

По целосно документирање на случајот лицето ќе биде предадено во казнено-поправна установа.