Балкан

Колку заработуваат Македонците во Хрватска? Ова е најплатената сезонска работа на море

Платите во хрватскиот туризам пораснаа: Келнери, готвачи и собарки најбарани пред туристичката сезона

Во пресрет на шпицот на летната туристичка сезона на хрватскиот Јадран, угостителскиот и туристичкиот сектор сè уште нуди околу 2.000 активни огласи за вработување. Просечната нето плата што се нуди изнесува околу 1.250 евра, што претставува зголемување од 9 проценти во однос на истиот период лани, кога изнесувала 1.136 евра.

Најбарано работно место повторно е — како и секоја година — келнерот, со просечна месечна плата од 1.178 евра, покажува анализата на порталот MojPosao. Платите за оваа позиција пораснале за 11 проценти во однос на минатата година.

Рецепционерите заработуваат просечно 1.162 евра (раст од 12,5 проценти), додека собарките и хигиеничарките бележат најголем релативен пораст — со плата од 961 евро, што е зголемување од дури 16 проценти. Пица-мајсторите се меѓу најплатените, со просек од 1.559 евра месечно — раст од 14 проценти во однос на минатата сезона.

Најмногу се бараат келнери, бармени, готвачи и собарки. Во повеќето огласи се нуди обезбеден сместувач и оброци, или повисока плата доколку кандидатот има сопствен престој.

На пример, еден луксузен бутик-хотел во Истра вработува келнери за à la carte услуга, при што платата зависи од искуството и дали е потребен сместувач.

Келнери со најмалку пет години работно искуство можат да заработат до 1.600 евра без сместување, или 1.300 евра со обезбеден престој. За оние со помалку искуство, платите се движат меѓу 1.000 и 1.100 евра.

Бармените во хотелите во Истра имаат слични примања како нивните колеги во дубровничките ресторани, каде месечните плати најчесто се движат од 1.200 до 1.400 евра. Самостоен готвач во ресторан во Дубровник може да заработи од 2.000 до 2.500 евра, зависно од искуството и квалификациите.

Познавањето на англиски јазик и работното искуство се меѓу клучните барања, но сè почесто послодавците инсистираат и на активно познавање на хрватскиот јазик, поради растечкиот број странски работници во земјата.

Досега во Хрватска се издадени 34.000 нови работни дозволи, а дополнително се продолжени уште 17.000 од минатата година — што значи дека за тековната туристичка сезона се активни околу 50.000 дозволи за работа во туризмот.

Балкан

Вучиќ: Белград e под притисок од сите страни, без вистинска поддршка од светските сили

Српскиот претседател Александар Вучиќ изјави дека Србија формално останува на европскиот пат, но во практика нема поддршка од ниту една голема сила – ниту од Истокот, ниту од Европската Унија, ниту од Соединетите Американски Држави.

Говорејќи на годишната конференција со претставниците на дипломатско-конзуларната мрежа, Вучиќ оцени дека Србија не го почувствувала очекуваниот напредок во односите со САД, ниту во делот на царините, ниту во врска со санкциите кон Нафтената индустрија на Србија (НИС), која е во мнозинска руска сопственост.

Тој истакна дека кога Србија се соочувала со тешкотии, ниту една од големите сили не застанала отворено зад Белград, туку, како што рече, сите поставувале дополнителни барања и вршеле притисок, без да понудат конкретна поддршка.

Вучиќ потсети и на неусешниот обид за приближување кон новата американска администрација, кога српската делегација не учествуваше на планиран настан во Флорида. Воедно, тој повтори дека Србија не се откажува од ставот дека Косово и Метохија се составен дел од државата и нагласи дека, според него, меѓународните договори што се однесуваат на ова прашање не се почитуваат.

Балкан

Инцидент во Лерин: Македонска песна забранета на празнична прослава

За време на празничната прослава на Коледе во Лерин (Флорина), настап на македонската народна песна „Софка на татко“ беше прекинат по интервенција на градоначалникот Василеос Гианакис. Музичкиот бенд „Ендопика“ бил укажан дека не смее да пее на македонски јазик и дека песната може да се изведе исклучиво во инструментална форма.

Според активистот Павле Васкопулос, ваквите случаи на притисок и дискриминација не се новина за Македонците во Леринско, Костурско и Воденско. Тој истакна дека граѓаните кои јавно зборувале за своите права често биле етикетирани како „скопски агенти“. Телевизија 24 побара став од Општина Лерин, но до објавувањето на прилогот одговор не е добиен.

Црлиот текст може да го прочитате на Телевизија 24

Балкан

Снежно невреме го зафати регионот

Обилни снежни врнежи денес ја зафатија територијата на општина Кладово, а сите расположиви екипи се на терен и работат на расчистување на патиштата.

Градоначалникот Саша Николиќ ја посети локацијата заедно со дежурните служби за да се увери дека активностите се одвиваат според планот. „Сите надлежни служби, како и расположивата механизација, се на терен. Моментално се работи на расчистување на патот во населбата Пропажешќе, како и на патниот правец до Петрово Село“, изјави Николиќ за РИНА.

Тој апелираше до возачите да ја прилагодат брзината и вниманието на условите на патот и да ги следат препораките на надлежните служби. „Ги молам граѓаните да бидат дополнително внимателни во сообраќајот“, нагласи градоначалникот.