Најновиот бран ирански ракетни напади го погоди подрачјето во близина на Тел Авив, при што загинаа најмалку 25 лица, соопштија израелските медицински служби. Според агенцијата Ројтерс, бројката ја потврдиле лекарите на терен.
Израелската национална служба за итна помош Magen David Adom (MDA) објави снимки кои прикажуваат значителна материјална штета на неколку високи згради на улица во градот Рамат Ган, оддалечен околу пет километри од центарот на Тел Авив, пренесува N1.
На видеата се гледа зголемено присуство на итни служби и пожарникарски возила на самото место на настанот, додека видливи се и оштетувања на други објекти во околината.
Рамат Ган, град со проценета популација од нешто над 175.000 жители, е дом на Израелската берза за дијаманти – еден од водечките светски центри во оваа индустрија.
Иранскиот напад ги погодил и соседните градови Тел Авив и Холон, што може да се забележи и на видеоматеријалите што ги објави новинската агенција Ројтерс.
Инцидентот претставува една од најсмртоносните епизоди во тековната ескалација меѓу Иран и Израел.
