Спорт

Од Северна во Македонска, тимот на Главчев го враќа името на кошаркарската федерација

Тимот на новиот претседател на националната кошаркарската федерација Томе Главчев го враќа името кое го смени предходниот претседател Перо Антиќ кој ја преименува во Кошаркарска Федерација на Северна Македонија.

На својата втора седница, Управниот Одбор на Кошаркарската федерација на Македонија, одржана на 19. јуни, 2025 година, во просториите на федерацијата донесол повеќе одлуки меѓу кои и почнување процедура за менување на називот на националната федерација.

Новото раководство, на чело со Претседателот на КФСМ, Томе Главчев, побарало размислување од членовите на Управниот Одбор за промена на називот на Федерацијата.

По двата дадени предлози Македонска кошаркарска федерација, и Национална кошаркарска Федерација едногласно е одлучено да почне процесот со кој Кошаркарската Федерација на Северна Македонија ќе стане Македонска кошаркарска федерација.

Предлогот наишол на позитивни размислувања од страна на присутните членови на управниот одбор кои едногласно се согласиле да се отпочне процедура за менување на името во Македонска кошаркарска федерација, објави Кошаркарската федерација која досега беше на Северна Македонија а наскоро пак ќе стане Македонска.

Кои други одлуки ги донесол Управниот одбор на македонската кошаркарска федерација:

На својата втора седница, Управниот Одбор на Кошаркарската федерација на Македонија, одржана на 19. јуни, 2025 година, во просториите на федерацијата, го донесе следните одлуки:
*Кооптирање на г-дин Аднан Шариќ како член на Управен одбор на КФСМ;

*Именување на г-дин Марјан Илиевски за селектор на сениорска машка репрезентација;
* Намалување на бројот на екипи-учеснички во Првата лига – мажи на 10 екипи, за натпреварувачка сезона 2026/2027;

Од натпреварувачка сезона 2025/2026 да испаднат три екипи од ПЛМ, една екипа од ВЛМ да обезбеди промоција во ПЛМ. Пред одржување на државниот Куп „Благоја Георгиевски – Буштур 2026“ да се одржи состанок со прволигашите да се разговара за понатамошно намалување на осум екипи;

*За натпреварувачка сезона 2025/2026 во текот на целиот натпревар на терен да бидат присутни двајца домашни играчи. Правилото ќе важи од почетокот на натпреварувачката сезона до Суперлигата;
Претседателот на КФСМ, Томе Главчев, појасни дека на истиот состанок со екипите учеснички во ПЛМ донесен е предлог (на иницијатива на МЗТ Скопје Аеродром ад). За дваесетина дена е најавен нов состанок на кој ќе се разгледува опцијата за формирање на лига во која ќе играат играчи од 20 – 23 години.

*Разрешување и именување на нов состав на Комисија за итност;

*Разрешување и именување на нов состав Арбитражна комисија на КФСМ;

*Разрешување и именување на нов состав на Регистрациска комисија на КФСМ;

*Разрешување на Дисциплинска комисија и именување на нов состав на Дисциплинска комисија;

*Разрешување и именување на нов состав на Тренерска комисија;

*Разрешување и именување на нов состав на Судиска комисија;

*Разрешување на именување на нова комисија за проверка на спортски сали;

*Разрешување и именување на нов состав на комисија за разгледување документи од Спортска академија;

Согласно забелешките на членовите на Управниот Одбор беше постигнат консензус да се формира уште една комисија која ќе ги разгледува документите на апликантите односно степенот на исполнување на критериуми согласно објавениот конкурс. Комисијата да ги претстави забелешките на верификација пред УО.

*Во Здравствената Комисија не е забележана промена на членови, поради што нема разрешување и именување на нови членови.

*Именување на состав на Комисија за меѓународна соработка
Претседателот на КФСМ, Томе Главчев, потенцира дека на Федерацијата и е потребна ваква комисија која допрва ќе биде формирана и предложена пред членовите на Управниот одбор.

*Усвојување на предлог одлука на Судиска комисија за промена на Национален ФИБА инструктор;
*Љупчо Павловски, претставникот на ПЛЖ, побара од раководството на Федерацијата поголема ангажираност за женската кошарка, на што доби одговор дека веќе се работи на големи проект во таа сфера кои дополнително ќе им бидат презентирани на членовите на прволигашките екипи во женска сениорска конкуренција.

*Генералниот секретар, Томче Стојчевски, потенцира дека се работи и на финансиски ферплеј помеѓу машката и женската кошарка, како и на создавање на услови за лиценци за натпреварување кои ќе бидат презентирани на наредната седница.

Извор: Expres.mk

Спорт

КОНКУРС за идејно решение за изработка на пехар за шампион на Македонија во ПРВА МФЛ

Фудбалската федерација на Македонија распишува конкурс за избор на најдобро идејно решение за новиот пехар наменет за шампионот на Македонија во Првата фудбалска лига.

Целта на конкурсот е да се изработи современо, препознатливо и автентично уметничко решение кое ќе ја симболизира традицијата, енергијата и победничкиот дух на македонскиот фудбал.

Право на учество:

Право на учество имаат: академски уметници, дизајнери, студенти на ликовни академии, архитекти, скулптори и други лица со креативен визуелен израз.

Секој учесник може да конкурира со најмногу три идејни решенија.

Учесниците треба да достават:

Кратко образложение за концептот на пехарот.

Визуелна презентација: скица, 3D рендер, технички цртеж или макета (фотографии).

Предлог материјали, висина и форма на пехарот.

Контакт информации.

Критериуми за избор

Креативност и оригиналност

Препознатлив македонски визуелен идентитет

Функционалност и издржливост

Можност за реализација

Естетика и симболика

Рок и начин на доставување

Идејните решенија се доставуваат електронски на:ffm@ffm.com.mk или во архивата на ФФМ (бул. АСНОМ 21) најдоцна до 15. март 2026.

Спорт

ПСЖ и Фламенго во финалето за Интерконтиненталниот куп

Вечерва во 18:00 часот, на стадионот „Ал Рајан“ во Катар, во големото финале на Интерконтиненталниот куп, силите ќе ги одмерат Пари Сен Жермен и Фламенго. Французите го бркаат својот прв светски трофеј во историјата, додека Бразилците сакаат да се вратат на тронот по пауза од цели 44 години.

Тимот на Луис Енрике пристигнува во Доха со амбиција конечно да ја круниса својата европска доминација со глобален печат. Како актуелни шампиони на Европа, ПСЖ имаа привилегија на директен билет за финалето, но патот до овој момент не беше без трње. Се уште се под впечаток од летниот пораз од Челзи (0:3) во финалето на Светското клупско првенство, а притисокот е зголемен и поради неизвесната трка во домашното првенство каде Ленс им дише во врат.

Сепак, токму во Катар започна нивната златна серија со триумфот над Монако, а со враќањето на Усман Дембеле и голманот Лукас Шевалие, Енрике верува дека ќе успее да го земе трофејот. Единствен голем хендикеп останува отсуството на брзоногиот Ашраф Хакими.

Од другата страна стои „црвено-црната“ лавина од Рио де Женеиро. Фламенго преживува ренесанса под палката на Филипе Луис. Откако во само седум дена ги покорија Бразил и Јужна Америка (Копа Либертадорес), сега нивниот нишан е насочен кон светот.

Навивачите на Фламенго со децении го прераскажуваат митот за 1981 година и лекцијата одржана на Ливерпул (3:0). Денешниот тим, предводен со тактичката дисциплина, сака да го повтори тој подвиг. Иако настапот на голгетерот Педро е под знак прашалник, Фламенго покажа дека знае како со европските гиганти, потсетувајќи на неодамнешната победа над Челзи (3:1).

Спорт

Бразилецот Да Силва потпиша за Вардар – новитет во редовите на скопскиот гигант

Ракометниот клуб Вардар повлече значаен стратешки потег во пресрет на клучниот дел од сезоната. Жоао Педро да Силва (30) е новиот бек на линијата на „вардарци“. Неговиот ангажман, кој ќе трае две и пол сезони, е потврда за долгорочната визија на управата за враќање на врвот.

Стручниот штаб во Да Силва гледа профил на играч кој носи брзина, интелигентни решенија и потребна разновидност во офанзивата. Со оглед на тешките предизвици во Лига Европа кои следуваат во февруари и март, како и домашниот плеј-оф, Бразилецот доаѓа како клучно засилување во вистински момент. Неговата промоција во Скопје е закажана за почетокот на идната година, кога ќе бидат финализирани и последните детали од соработката.