Иранскиот заменик министер за здравство, Ирај Харирчи, објави во саботата дека бројот на загинати во израелските воздушни напади се зголемил на 430, додека повеќе од 3.500 цивили се повредени од почетокот на нападите на 13 јуни.
Израелските напади се насочени кон широк спектар на цели, вклучувајќи складишта со ракети, нуклеарни објекти и станбени области во Техеран, Исфахан, Ком, Хорамабад и други градови.
Меѓу погодените локации бил и нуклеарниот полигон во Исфахан, за кој иранските власти тврдат дека не е регистрирано опасно испуштање на материјали.
Во меѓувреме, новинската агенција „Human Rights Activists“ во четврток извести дека во израелските напади биле убиени до 639 лица, а повеќе од 1.300 биле повредени.
Иран возврати со координирани напади со дронови и ракети врз израелска територија.
Од израелска страна, според официјални податоци, најмалку 25 лица загинаа, а повеќе од 2.500 се повредени во иранските напади.
