Балкан

Европскиот парламент ја пофали Црна Гора, но бара забрзани реформи и отпор на странски влијанија

Европскиот парламент го усвои извештајот за напредокот на Црна Гора на патот кон Европската Унија, оценувајќи дека земјата останува лидер на Западен Балкан во пристапниот процес, но и дека се потребни посилни реформи и отпорност кон надворешни влијанија.

Извештајот, подготвен од поранешниот словенечки премиер Марјан Шарец, беше изгласан со 470 гласа „за“ и 102 „против“. Во документот се поздравува поддршката за евроинтеграцијата меѓу граѓаните на Црна Гора, која според анкетите достигнува и до 80 проценти.

„И власта и опозицијата се свесни дека европскиот пат нема алтернатива“, изјави Шарец во расправата.

Во извештајот се пофалува напредокот на Црна Гора во одредени реформи, но истовремено се изразува загриженост поради зголемениот „малиген странски влијание“, обиди за дестабилизација, сајбер напади и кампањи на дезинформации.

Европскиот парламент ѝ порача на Подгорица да ги засили активностите во борбата против организираниот криминал и корупцијата, како и да обезбеди независност на судството и медиумите.

Балкан

Грција ја поддржува европската перспектива на Западен Балкан како вложување во регионална стабилност

Грција ја гледа иднината на Западен Балкан во Европската унија и ја поддржува европската перспектива на земјите од регионот, но под услов да се исполнуваат критериумите за членство, особено добрососедските односи и почитувањето на меѓународните договори. Според грчки владини извори, проширувањето на ЕУ се смета за инвестиција во безбедноста и стабилноста на регионот, но процесот е тежок и бара реформи и усогласување со пристапните предуслови.

Во пресрет на Самитот ЕУ-Западен Балкан во Брисел, на кој ќе учествува грчкиот премиер Кирјакос Мицотакис, грчките извори истакнуваат дека клучни теми ќе бидат и последните случувања во Украина, финансиските потреби на земјите за периодот 2026-2027 година, повеќегодишната финансиска рамка, како и прашања поврзани со гео-економијата и конкурентноста на ЕУ.

Балкан

БиХ ја зголеми максималната возраст за воена служба на 45 години

Горниот дом на Парламентот на Босна и Херцеговина, познат како Дом на народите, денеска едногласно ги усвои измените на Законот за служба во вооружените сили. Со овие измени, максималната возраст за професионална воена служба се зголемува од 40 на 45 години, под услов војниците да ги исполнуваат психофизичките барања и потребите на службата.

Законот беше разгледан на вонредна седница и предложен од делегатот Џемал Смаиќ. Во образложението, Смаиќ нагласи дека вооружените сили на БиХ се соочуваат со сериозен недостиг на персонал, поради што продолжувањето на старосната граница е неопходно за одржување на оперативните способности на армијата.

Според него, оваа мерка ќе овозможи подобра искористеност на постојниот кадар и ќе придонесе за стабилноста на одбранбениот систем. Новите измени овозможуваат подолг професионален ангажман на војниците, без да се менуваат строгите стандарди за физичка и психичка подготвеност.

Балкан

25 килограми злато и 55 килограми сребро исчезнаа од судско депо

Истанбул – Во депото на Судот во истанбулскиот кварт Бујукчекмеџе исчезнале 25 килограми злато и 55 килограми сребро, чија вкупна вредност се проценува на над 147 милиони турски лири, или околу три милиони евра. Судските службеници на почетокот на месецот забележале дека еден од нивните колеги долго време е отсутен, по што било констатирано недостигот на благото.

Турското обвинителство веднаш започна истрага, при што е утврдено дека главниот осомничен за исчезнувањето заминал за Лондон, во придружба на неговата сопруга, за која исто така е распишана потерница.

Случајот ја разбуди јавноста во Турција, а властите продолжуваат со напори да ги пронајдат осомничените и да го повратат одземеното злато и сребро.