Американскиот претседател Доналд Трамп го започна „новиот американски воен поход“ со нападот врз три главни ирански нуклеарни постројки, изјави заменик-претседателот на руското Совет за безбедност, Дмитриј Медведев. Во објава на својот Телеграм-канал, Медведев истакна дека Трамп, кој се претставуваше како претседател на мирот, всушност влегол во нов конфликт.
„Трамп, кој дојде како претседател-миротворец, започна нова војна за САД“, напиша Медведев, додавајќи дека со вакви ‘успеси’ нема да ја освои Нобеловата награда за мир.
Од Кремљ, пак, во неделата соопштија дека рускиот претседател Владимир Путин нема планирани разговори со Трамп по американските напади. Сепак, според агенцијата ТАСС, беше наведено дека телефонски повик може брзо да се организира доколку има потреба.
Нападите на САД врз иранската територија значително ги зголемија тензиите на Блискиот Исток и предизвикаа остра реакција во Москва, која веќе подолго време повикува на воздржаност и дипломатско решение.
