Во раните утрински часови, САД извршија најмоќен напад досега врз иранскиот нуклеарен програм, таргетирајќи три клучни постројки – Фордо, Натанз и Исфахан. Во операцијата учествувале шест невидливи бомбардери B-2 Spirit, кои фрлиле 12 супермоќни бомби за пробивање бункери GBU-57 врз подземниот комплекс Фордо. Истовремено, американски подморници истрелале 30 крстосувачки ракети врз постројките во Натанз и Исфахан.
Нападот бил резултат на повеќегодишно планирање, со цел да се уништат критичните капацитети на Иран за збогатување ураниум. Американскиот претседател Доналд Трамп изјави дека целите се „целосно и комплетно уништени“. Меѓународната агенција за атомска енергија (IAEA) соопшти дека засега не се забележани покачени нивоа на радијација.
Како одговор, Иран го обвини Вашингтон за „злосторничка агресија“ и започна ракетен напад врз Израел. Најтешко погоден беше Тел Авив, каде што утрово осамнаа билборди со ликот на Трамп и пораката: „Фала Ви, господине претседателе“, на позадина со американски знамиња.
