Израел изврши напади врз шест ирански аеродроми – уништени 15 летала

Израелската армија соопшти дека спровела серија воздушни напади врз шест аеродроми во западниот, источниот и централниот дел на Иран, при што биле уништени вкупно 15 воени авиони и хеликоптери. Според официјалното соопштение, целта на операцијата била „продлабочување на воздушната надмоќ над иранското небо“.

„Нападите резултираа со сериозни оштетувања на пистите, подземни бункери, еден авион за дополнување гориво, како и борбени авиони од типот F-14, F-5 и хеликоптери AH-1, сопственост на иранскиот режим“, наведува израелската војска, пренесува NBC News.

Се додава дека операцијата ја ограничила способноста на иранските воздушни сили да извршуваат полетувања од погодените аеродроми и значително го отежнала нивното дејствување од тие стратешки позиции.

Овие напади се дел од ескалирачкиот конфликт меѓу двете земји и се случуваат во момент кога регионот е во состојба на зголемена тензија.