[ВИДЕО] Густ облак од чад во центарот на Техеран – Израел тврди дека ликвидирал „десетици до стотици“ припадници на Револуционерната гарда

Израелската армија денес изврши воздушни напади врз повеќе цели на иранска територија, вклучително и врз бази на Корпусот на чуварите на Исламската револуција (ИРГЦ) и врз нуклеарниот комплекс Фордо.

Според најновите податоци објавени од страна на израелската војска, во нападите се убиени „десетици до стотици“ припадници на елитната Револуционерна гарда.

На социјалните мрежи и преку блискоисточните медиуми веќе се појавија видеоснимки од разорните експлозии во срцето на Техеран, каде што се гледаат густи облаци од чад како се издигнуваат над градските згради.

Како одговор на нападите, Иран претходно лансираше нови ракети кон територијата на Израел. Според првичните извештаи, најтешко погодени се јужните израелски градови Ашдод и Ашкелон, каде што се регистрирани значителни штети.

Во Ашдод, една од ракетите директно ја погодила електраната, по што израелската државна електроенергетска компанија објави дека работи на итно отстранување на дефектите и стабилизирање на напојувањето.

Ескалацијата на конфликтот меѓу двете земји предизвикува сериозна загриженост кај меѓународната заедница, поради ризикот од ширење на насилството и вклучување на дополнителни регионални актери во воени дејствија.

اسرائیل کے فردو فسیلٹی، تہران میں جیل سمیت متعدد مقامات پر حملے جاری pic.twitter.com/HYHcurmNrD

— Muhammad Umair (@MohUmair87) June 23, 2025