Црна Хроника

Пораст на насилни смртни случаи во 2024: Починале 511 лица, најмногу мажи и жртви на несреќи

Бројот на лица што починале од насилна смрт во Македонија во 2024 година достигнал 511, што претставува зголемување од 24 проценти во споредба со претходната година, покажуваат податоците на Државниот завод за статистика.

Од вкупниот број, дури 68,1 отсто се мажи, а 31,9 проценти жени. Најголем дел од овие смртни случаи – 78,5 проценти – се резултат на несреќни случаи. Самоубиствата учествуваат со 17,4 проценти, а убиствата со 4,1 проценти од вкупниот број на насилни смртни случаи.

Во рамките на несреќните случаи, најмногу смртни случаи (38 отсто) се должат на други надворешни причини за случајни повреди. Кај самоубиствата, најчеста причина е бесење, странгулација или суфокација (8,8 отсто), додека кај убиствата, најчести се смртните случаи предизвикани со истрел од друго или неозначено огнено оружје (1,6 отсто).

Умрените од насилна смрт сочинуваат 2,5 проценти од вкупниот морталитет во државата.

Црна Хроника

Тетово: Физички напад во угостителски објект, едно лице повредено со тврд предмет

СВР Тетово поднесе кривична пријава против Р.У.(18) од с.Желино и 16-годишник од с.Групчин поради постоење основи на сомнение за сторено кривично дело „насилство“.

На 22.10.2025, во еден угостителски објект во Тетово, пријавените физички ги нападнале А.Р.(19) од тетовско и 15-годишник од тетовско. При нападот, првопријавениот употребил и тврд предмет, при што е причинета повреда.

Случајот е пријавен и се преземаат мерки за целосно расчистување на инцидентот.

Црна Хроника

Измама со „волшебна амајлија“: Жената оштетена за 60.000 денари

Жена од Делчево била измамена со ветување дека „амајлија“ ќе ги реши сите нејзини семејни проблеми, при што издала 60.000 денари. Полицијата поднесе кривична пријава против 61-годишниот С.Ѓ. од скопското село Сарај поради измама.

Измамникот ја убедил жртвата во моќта на своите услуги во два наврати – во септември 2024 и повторно во март 2025 година, земајќи ѝ по 30.000 денари секојпат. Откако сфатила дека е измамена, жената го пријавила случајот во полиција.

Од МВР соопштуваат дека С.Ѓ. се сомничи за кривичното дело „измама“ и дека против него е поднесена соодветна кривична пријава.

Црна Хроника

Инцидент во Скопје – две возила попречиле пат, следел напад

Вчера во 10:40 часот во СВР Скопје, С.М.(47) од Скопје пријави дека додека се движел со патничко возило од с.Јурумлери, скопско кон населбата Драчево, две возила му го попречиле патот, а од нив излегле М.С. и уште неколку други лица и физички го нападнале, а употребиле и тврди предмети, при што му го оштетиле и возилото.

Се преземаат мерки за расчистување на случајот.