Украински дронови ја погодија руската противвоздушна одбрана на Крим – нанесена штета од стотици милиони евра [ВИДЕО]

Украинската воена разузнавачка служба (ГУР) објави дека дронови на нејзината специјална единица „Примари“ успешно извршиле прецизни удари врз клучни руски противвоздушни системи на Крим, кој се наоѓа под привремена руска окупација.

Во видеото објавено на официјалната страница на ГУР на Facebook, се прикажува операција насочена кон уништување на стратешки компоненти на системот С-400 „Триумф“, еден од најнапредните руски системи за ПВО.

Според соопштението, цел на ударите биле:

два мултифункционални радарски системи 92Н2Е,

две радарски станици за далечинска детекција 91Н6Е,

еден ракетен лансер од системот С-400.

„Радарите се очите на противвоздушниот систем – без нив, лансерите стануваат бескорисни“, соопштија од ГУР.

Проценетата финансиска штета нанесена на руските сили изнесува помеѓу 140 и 233 милиони евра, што претставува еден од најсериозните удари врз руската ПВО-инфраструктура на полуостровот досега.

Украина систематски ја таргетира руската воена инфраструктура на Крим, со цел ослабување на окупаторските капацитети и подготовка за идни офанзивни дејства.