Премиерот Христијан Мицкоски денеска потврди дека од есен ќе биде поставен камен темелник на новата инвестиција во индустриската зона во Штип. Станува збор за фабрика за батерии која ќе вработи до 150 лица и ќе инвестира околу 36 милиони евра, средства кои се обезбедени од Европската Унија.
Мицкоски информира дека во разговор со директорот на Дирекцијата за технолошки индустриски развојни зони е потврдено дека фабриката во рок од три години ќе има извоз вреден 300 милиони евра, што значително ќе влијае на БДП на земјата.
Договорот со инвеститорот е во фаза на потпишување, а камен темелник се очекува да биде поставен оваа есен.
