Два последователни земјотреса со умерена јачина ја погодија Албанија во краток временски интервал, предизвикувајќи вознемиреност кај населението.
Првиот потрес бил со јачина од 4,1 степен според Рихтеровата скала, додека само две минути подоцна следел втор, нешто послаб земјотрес со јачина од 4,0 степени.
Според Европско-медитеранскиот сеизмолошки центар, епицентарот на двата потреса се наоѓал во Албанија, на географски координати 41,45° северна ширина и 19,69° источна должина, на приближна длабочина од 5 километри под површината на земјата.
Засега нема пријавени податоци за материјална штета или повредени лица. Надлежните служби ја следат состојбата на терен и апелираат до граѓаните да останат смирени.
Земјотресите биле почувствувани и во делови од соседните земји, вклучувајќи Македонија и Црна Гора.
