На 28 јуни 2025 година, полициски службеници од СВР Скопје спроведоа координирана акција на неколку локации во главниот град, при што беа приведени четири лица поради поседување недозволени супстанци.
Приведени се Б.О. (22) од Штип, како и А.К. (30), М.А. (45) и Ж.Т. (48), сите од Скопје. Кај нив била пронајдена и одземена бела прашкаста материја, марихуана и таблети со психоактивно дејство.
Од МВР информираат дека по целосно документирање на случајот, ќе следуваат соодветни поднесоци против лицата. Акцијата е дел од континуираните напори за справување со уличната продажба и дистрибуција на дрога во Скопје.
