Зголемена фреквенција на Табановце и Богородица, на другите гранични премини без поголеми задржувања
Според информациите од АМСМ, утрово се бележи зголемена фреквенција на сообраќај на дел од граничните премини.
На граничниот премин Табановце, времето на чекање за влез во државата изнесува околу 30 до 45 минути. На Богородица, времето на чекање за излез од земјава е околу 20 минути.
На останатите гранични премини од македонска страна, сообраќајот се одвива редовно, без подолги задржувања при влез и излез од државата.
Сообраќајот на државните патишта се одвива по суви коловози, без поголеми пречки. Забележан е зголемен интензитет на движење, особено на патните правци надвор од урбаните средини.
