Медински: Русија и Украина имаат заедничка историја, не правиме посебен образовен материјал за украинските деца
Историската судбина на Русија и Украина е неразделно поврзана, а народот што живее во двете земји е еден, изјави Владимир Медински, помошник на претседателот на Руската Федерација и претседател на Руското воено-историско друштво (РВИСТД).
Во интервју за државната агенција ТАСС, Медински истакна дека Русија и Украина, според официјалната позиција на друштвото, имаат „една историска татковина“, поради што не се создава посебна образовна содржина насочена кон украинските ученици.
„Кога подготвуваме историски материјали, не правиме разлика меѓу руските и украинските деца, ниту создадаваме нешто специфично за Украина. Ја почитуваме и ја сакаме историјата на овој талентиран и вреден народ, кој живее на древните руски територии од двете страни на Днепар, вклучувајќи ја Новорусија и Крим. Тоа е еден народ со заедничка историска татковина“, изјави Медински.
Тој додаде дека се надева оти во блиска иднина и украинските ученици и возрасни ќе имаат слободен пристап до рускиот интернет-простор.
„Искрено верувам дека наскоро и децата и возрасните во Украина ќе можат слободно да ја користат целата разновидност на рускиот интернет, без потреба од некаква посебна или адаптирана содржина“, рече Медински.
Изјавите доаѓаат во контекст на руската официјална реторика за културно и историско единство со Украина, што е предмет на бројни контроверзии и критики во меѓународната јавност.
