Што се случува? Трамп го изненади светот со својата најнова изјава за Иран

Трамп: Не водам разговори со Иран, ниту нудам помош

Американскиот претседател Доналд Трамп изјави дека не води никакви преговори со Иран и дека не нуди никаква помош на таа земја.

Во објава објавена доцна во ноќта на неговата социјална мрежа Truth Social, Трамп напиша:

„Не му нудам на Иран НИШТО, за разлика од Обама кој им исплати милијарди долари во рамки на глупиот договор за ‘патот кон нуклеарно оружје’ – JCPOA (кој ионака веќе би бил истечен)! Исто така, воопшто не разговарам со нив откако целосно ги УНИШТИВМЕ нивните нуклеарни капацитети.“

Изјавата следува по медиумски извештаи во кои се наведува дека администрацијата на Трамп наводно размислувала за можноста да му дозволи на Иран пристап до дури 30 милијарди долари, наменети за развој на цивилен нуклеарен енергетски програм.

Трамп ги негираше овие тврдења, нарекувајќи ги „неосновани“ и потсети дека за време на неговиот мандат, САД значително го ограничиле нуклеарниот потенцијал на Техеран.