Два пожари избувнаа во јужниот дел на земјата, на периферијата на селата Марвинци кај Валандово и Фурка кај Дојран. Во двата случаи гори сува трева и ниска грмушка, а на терен се интервенира со противпожарни возила и екипи од Територијалните противпожарни единици.
Во Марвинци гаснењето го извршува екипа од Валандово со едно противпожарно возило и двајца пожарникари, додека во Фурка се активирани екипи од Гевгелија и Дојран, со по едно возило и тројца пожарникари од секое место.
Центарот за управување со кризи ја процесуираше потребната документација до Министерството за внатрешни работи и Дирекцијата за заштита и спасување за ангажирање на воздушна поддршка. Во моментов, Министерството подготвува испраќање хеликоптер кој ќе интервенира од воздух и ќе помогне во справувањето со пожарите.
Состојбата на терен се следи, а интервенирањето продолжува со цел брзо и целосно гаснење на огнените жаришта.
ВИДЕОТО МОЖЕ ДА ГО ПОГЛЕДНЕТЕ ТУКА
