Израелскиот министер за правда, Јарив Левин, денеска изјави дека дојде времето за анексија на Западниот Брег. Ова го истакна на средбата со лидерот на еврејските доселеници и шефот на Регионалниот совет на Самарија, Јоси Даган.
„Сметам дека ова време, покрај тековните прашања, претставува историска можност која не смееме да ја пропуштиме. Време е за суверенитет, време е да се спроведе суверенитетот. Мојот став е цврст и јасен“, рече Левин, пренесува „Тајмс оф Израел“.
Израел го зазеде Западниот Брег во 1967 година за време на Шестдневниот воен конфликт, но никогаш формално не го анексираше, иако во 2020 година јасно ја искажа желбата за тоа.
Иако Израел се откажа од таа идеја во замена за нормализација на односите со Обединетите Арапски Емирати, Левин денеска нагласи дека ова прашање мора да остане „на врвот на приоритетите“.
