Португалскиот фудбалер Диого Жота (28) загина во сообраќајна несреќа во шпанската провинција Замора. Несреќата се случила откако на неговиот автомобил „Ламборџини“ му пукнала гума, по што возилото излетало од автопатот и се запалило.
Со Жота во автомобилот бил и неговиот брат, Андре Силва, кој е две години помлад и исто така загинал во несреќата. Според потврдата од шпанската Цивилна гарда, трагичниот инцидент се случил околу половина час по полноќ додека возеле и престигнувале друго возило.
Диого Жота беше член на Ливерпул од 2020 година, каде што на 182 натпревари постигна 65 голови. Со клубот освои две титули во Премиер лигата, ФА Куп и два пати Лига Куп.
Претходно во кариерата настапуваше за Пакош Фереира, Атлетико Мадрид, Порто и Вулверхемптон. За репрезентацијата на Португалија има 49 настапи и 14 постигнати голови, а двапати беше дел од тимот кој ја освои Лигата на нации.
