Иранските власти објавија дека по речиси три недели целосна блокада, повторно е отворен воздушниот простор над земјата, вклучително и над главниот град Техеран, кој беше затворен на 13 јуни – првиот ден од израелските воздушни напади врз иранска територија.
Како што пренесе државната новинска агенција IRNA, повторно се ставени во функција меѓународните аеродроми Мехрабад и Имам Хомеини во Техеран, како и аеродромите во северните, источните, западните и јужните делови на земјата. Тие се подготвени за нормално извршување на патнички и карго летови.
Воздушниот простор на Иран беше целосно затворен на 13 јуни поради започнатите израелски напади, а дури на 25 јуни, ден по постигнатиот прекин на огнот, започна постепено обновување на летовите – но само во источниот дел на земјата.
На 28 јуни иранските власти дозволија прелет на странски авиокомпании преку својата територија, отворајќи го воздушниот простор и за меѓународен сообраќај.
Сепак, аеродромите во Исфахан и Тебриз – два града кои беа чести цели на израелски ракетни удари – остануваат затворени. Според IRNA, тие нема да бидат повторно отворени додека целосно не се санира оштетената инфраструктура.
Со оваа одлука, Иран прави значителен чекор кон стабилизирање на воздушниот сообраќај и враќање на нормалниот цивилен живот по ескалацијата на судирите со Израел.
![[ВИДЕО] „Колку вреди животот во Македонија“: Две години затвор за возачот кој на пешачки ја прегази и усмрти Теодора Ристовска во Тетово](https://bulevar.mk/wp-content/uploads/2025/04/tvhnx-22.png)
