[ВИДЕО] Брутален руски напад на Киев – десетици повредени, вака изгледа градот

Руските воени сили изведоа жесток воздушен напад врз Киев, користејќи повеќе проектили и дронови, што резултираше со пожари и оштетување на стамбени објекти и цивилна инфраструктура. Нападот се случи помалку од 12 часа по телефонскиот разговор меѓу претседателите Владимир Путин и Доналд Трамп.

Според градските власти, погодени се најмалку 13 локации низ главниот град, при што 19 лица се повредени, а 14 се хоспитализирани. Началникот на Воената управа на Киев, Тимур Ткаченко, предупреди граѓаните да ги затворат прозорците поради опасни производи од изгореници во воздухот и ја оцени Русија како „терористичка држава која остава пустош“.

Kyiv at this hour as Russians unleash what must be the largest attack of the war, targeting the city’s civilian population with drones and ballistic missiles.

Meanwhile, the US forbids Ukraine from striking Russia’s oil infrustructure, the one thing that can stop the war. pic.twitter.com/SLpXWGv9XR

— Kyiv Insider (@KyivInsider) July 4, 2025

Во нападите биле оштетени станбени згради, училишта, складишта и деловни простории во повеќе квартови на Киев, а еден од дроновите предизвика пожар на покривот на зграда во Оболон.

Нападите не беа ограничени само на Киев – руски дронови го погодија и градот Полтава, при што беа повредени две лица.

Овој напад следува по серијата интензивни руски воздушни напади врз украински градови, најчесто изведени со ирански дронови тип Шахед. Само на 17 јуни беше изведен еден од најсилните напади на Киев од почетокот на војната, со 28 загинати и над 130 повредени.

Украинските власти предупредуваат дека овие напади се обид за исцрпување на противвоздушната одбрана и за тероризирање на цивилите. Во меѓувреме, САД го прекинаа испраќањето на противракетните системи „Патриот“ и друго вооружување во Украина, наведувајќи потреба за обновување на сопствените резерви.

Kyiv reality.

Missiles fly as civilians try to stay safe in shelters.

Stopping supplies of air defense missiles to Ukraine means a direct threat to civilians, to people like these ones on the video. It means more Russian terror and more tragedies for Ukrainians. https://t.co/9Oe1v6C9ta pic.twitter.com/JCBMBx9Rej

— Anton Gerashchenko (@Gerashchenko_en) July 4, 2025