На грчкиот остров Закинтос се случи необичен инцидент кој предизвика лавина реакции на социјалните мрежи. Хотелски персонал одлучил да стави крај на практиката на туристи кои уште од 6 часот наутро оставаат пешкири за да „резервираат“ лежалки покрај базенот.
Во вирално ТикТок видео, се гледа како вработени, по ноќно излегување, ги собираат пешкирите и ги распоредуваат по огради, дрвја и ѕидови – со цел да ги „научат лекција“ гостите. Мили од Блекпул, една од вработените, изјави: „Никој овде не станува пред 15 часот, а некои луѓе ги резервираат лежалките и не се ни појавуваат. Тоа е себично.“
Според неа, видеото, кое собра десетици илјади прегледи, било само шега, но предизвикало поделени мислења. Дел од корисниците ја поддржаа акцијата, додека други ја критикуваа како непрофесионална и некултурна.
Хотели во некои одморалишта веќе почнале да наплатуваат казни за вакво однесување, но на Закинтос, засега, доминираат креативните решенија на персоналот.
