Мицкоски: 38 возила се ставени во употреба за гаснење на пожарите [ГАЛЕРИЈА]

Премиерот Мицкоски најави зголемена подготовка за сезона на пожари

Премиерот Мицкоски денеска истакна дека државата е многу поподготвена за справување со претстојната сезона на пожари. Тој изрази благодарност до општествено одговорните компании и сите институции вклучени во пренамената и обновата на полициски и армиски возила кои повеќе од осум години не биле во употреба.

„Демонстриравме зголемена спремност, а веќе се регистрирани првите пожари на неколку локации во државата“, рече Мицкоски.

Премиерот информира дека државата со оваа акција заштедила неколку десетици милиони евра, а капацитетите за гаснење пожари значително се зголемиле. Очекува пристигнување на вториот сервисиран авион, а трет авионот е во подготовка, како и два полициски и армиски хеликоптери спремни за интервенција.

Мицкоски потсети и на забраната за движење во шумските и планинските области без соодветна дозвола како дополнителна мерка за заштита од пожари.

„Со сите овие активности, оваа година сме најспремни до сега да се справиме со евентуалните предизвици од пожари“, порача премиерот.