Луѓето над 65 години треба да внимаваат со парацетамолот: Лекот кој мислат дека им помага, всушност може да им наштети
Ако сте постари од 65 години и редовно користите парацетамол, можеби несвесно го загрозувате своето здравје. Научници од Универзитетот во Нотингем предупредуваат дека овој лек може да предизвика сериозни здравствени компликации кај постарата популација.
Во најновото истражување објавено во медицинското списание Arthritis Care and Research, е утврдено дека редовната употреба на парацетамол кај лица над 65 години го зголемува ризикот од појава на срцеви заболувања, бубрежни проблеми и болести на гастроинтестиналниот тракт.
Иако парацетамолот се смета за безбеден аналгетик, особено кај пациенти со хронични заболувања како остеоартритис, оваа студија ги предупредува лекарите и пациентите дека неговата долгорочна примена може да бара дополнителна претпазливост.
Главната авторка на истражувањето, проф. Веја Занг, потенцира дека ширењето на перцепцијата дека парацетамолот е целосно безбеден резултирало со прекумерна и лесно прифатена употреба, особено кај ранливите групи пациенти.
Истражувањето се базира на податоци од британската клиничка база Datalink-Gold и опфати повеќе од половина милион луѓе постари од 65 години, следени од матични лекари во периодот од 1998 до 2018 година.
Кај над 180.000 испитаници забележана е честа употреба на парацетамол (две или повеќе рецепти во период од шест месеци), а нивното здравје е споредено со повеќе од 400.000 лица кои не го користеле лекот континуирано.
Резултатите покажуваат значително зголемување на ризикот од развој на пеptички улкуси, хронична бубрежна болест, покачен крвен притисок и срцеви проблеми кај оние кои долго време земале парацетамол.
Стручната јавност апелира до лекарите да ја проценуваат врската помеѓу ризикот и придобивките при препишување на парацетамол на постари пациенти, особено кога се потребни долготрајна и редовна терапија.
