Свет

Трагедија во Индонезија: Питон долг 8,5 метри проголта фармер

Во индонезискиот регион Југоисточен Сулавеси се случи несекојдневна и трагична несреќа – питон долг 8,5 метри проголта 63-годишен фармер додека се грижел за животни во својот овоштарник. Настанот го пренесува CNN Indonesia, а го потврдија и локалните власти.

Несреќата се случила во петокот, во раните утрински часови, кога фармерот, по име Ла Ноти, без оружје и заштита, бил нападнат од џиновската змија. Според локалната полиција, питонот најпрво го задушил, а потоа целосно го проголтал.

Загрижената фамилија започнала потрага следното утро, кога го пронашле неговиот мотоцикл на пат покрај овоштарникот. Тоа предизвикало поширока потрага, при што попладнето бил забележан масивен мрежест питон со значително подуен стомак, само неколку метри оддалечен од градинарската колиба.

Сомневајќи се на најлошото, мештаните ја фатиле змијата и ја расекле, при што го пронашле безживотното тело на Ла Ноти. Сцената е документирана и објавена во локалните медиуми.

Началникот на полицијата, Масуд Гунаван, изјави: „Жртвата изутрина се збогуваше со семејството, велејќи дека оди да ги нахрани животните, но никогаш не се врати. По интензивна потрага, откривме дека е проголтан од голем питон. Семејството ја прифати причината за смртта и се помоли за својот најблизок.“

Ла Оде Рисавал, раководител на одделот за итни ситуации во Локалната агенција за управување со катастрофи, посочи дека ова е прв ваков регистриран случај во областа. Тој истакна дека во последно време се зголемил бројот на појави на питони во домаќинствата и градините, предупредувајќи ги жителите да бидат внимателни при самостојни одминувања низ шумските предели.

Од Агенцијата за заштита на природните ресурси додаваат дека зголемената појава на питони во населени подрачја може да се должи на нарушување на нивното природно живеалиште и недостиг на природен плен.

Индонезија е дом на некои од најголемите питони во светот, а богатата биолошка разновидност и пространи шуми на архипелагот создаваат идеални услови за овие грабливци – за разлика од соседните земји во Југоисточна Азија, кои поминаа низ интензивна урбанизација.

Свет

По 400 години Данска ја укинува класичната пошта – писмата одат во историја

Копенхаген – Данската државна поштенска служба PostNord ќе ја испорачува последната традиционална поштенска кореспонденција на 30 декември 2025 година, со што ќе се стави крај на повеќе од четири века на испраќање писма, соопшти компанијата.

Одлуката следи по драстичниот пад на побарувачката за испорака на писма, која во последните години значително опадна поради дигитализацијата и преферирањето на електронска комуникација. Како резултат на ова, данската пошта ќе се концентрира на услуги за испорака на пакети, што ја рефлектира растечката побарувачка за онлајн шопинг и логистички услуги.

PostNord, која е формирана во 2009 година со спојување на шведската и данската пошта, најави дека одлуката ќе резултира со отстранување на 1.500 класични црвени поштенски сандачиња низ земјата и резање на околу 1.500 работни места во Данска.

Иако традиционалната испорака на писма ќе престане, Данците сепак ќе можат да праќаат и примаат кореспонденција преку приватни оператори, како што е компанијата DAO, која планира значително да ја прошири својата услуга од почетокот на 2026 година. За време на транзицијата, PostNord ќе ги рефундира неискористените дански марки за ограничен период.

Данска, која важи за една од најдигитализираните земји во светот, веќе долго време ја користи дигиталната пошта како основен начин на комуникација. Повеќе од 97% од населението над 15 години користи национален дигитален систем за примање официјални пораки, што значително го намали обемот на физичката поштенска кореспонденција.

Со завршувањето на испораката на писма по четири века, Данска се приклучува на трендот на поштенски реформи во Европа, каде што многу традиционални поштенски служби се приспособуваат кон дигиталната ера и промени во комуникациските навики.

Свет

Полицијата во Јоханесбург трага по напаѓачите што убија десет лица – пристигнале со две возила и пукале кон гостите во кафеана

Полицијата во Јужна Африка трага по повеќе лица осомничени за вооружено нападнување врз посетители на кафеана во срцето на Јоханесбург, при што животот го загубија девет лица, а неколкумина се ранети, јавуваат локалните медиуми.

Според првичните информации од истрагата, напаѓачите пристигнале на местото на настанот со две возила, по што излегле и започнале да пукаат кон луѓето што се наоѓале пред кафулето. Според очевидци, нападот бил брз и преставувал насилно испукување без претходна расправија, што дополнително ја потресе локалната заедница.

Полицијата веднаш по пријавата излезе на терен и го затвори просторот за увид, при што започна интензивна потрага по напаѓачите. Засега нема официјални информации за уапсени лица, но истражителите ги преземаат сите достапни оперативни мерки за нивно лоцирање и приведување.

Од локалните безбедносни служби соопштиле дека засега не е јасна мотивацијата зад нападот, но нападот ќе биде истражуван како кривично дело со голема тежина, со цел да се утврди дали се работи за организирана криминална група или за индивидуален чин на насилство.

Градските власти и полицијата ги повикаа граѓаните да ги пријавуваат сите информации кои би можеле да помогнат во истрагата и да соработуваат со органите на редот. Од надлежните е најавено дека ќе следуваат дополнителни соопштенија по што ќе се објават повеќе детали за уапсените или осомничените лица.

Овој трагичен настан повторно ја актуелизира потребата од засилени мерки за јавна безбедност во Јоханесбург, каде што вакви видови вооружени напади ги загрозуваат жителите и посетителите на јавни места.

Свет

ВИДЕО: Полуголи „Дедо Мразовци“ трчаа низ Будимпешта и покрај минусните температури

Будимпешта – Десетици учесници облечени во капи на Дедо Мраз, шорцеви, спидоси и бикини учествуваа на традиционалната Half-Naked Santa Run трка во центарот на Будимпешта, и покрај студеното и замрзнувачко време.

Настанот, кој се одржува секоја година во пресрет на божиќните празници, привлече внимание поради необичната комбинација на празничен дух и екстремни услови. Учесниците, охрабрени од публиката, трчаа низ градските улици, покажувајќи издржливост и празнично расположение.

Покрај забавниот карактер, трката има и хуманитарна цел – подигнување на свеста и собирање средства за добротворни организации. Организаторите посочуваат дека настанот станува сè попопуларен и привлекува учесници од различни земји.

Видеото од трката брзо се прошири на социјалните мрежи, каде предизвика бројни реакции и коментари, а сцените од „полуголите Дедо Мразовци“ уште еднаш ја потврдија репутацијата на настанот како еден од најнеобичните празнични спортски собири во Европа.

Видеото може да го погледнете тука