Скопје денеска без струја на повеќе локации поради технички зафати
Поради технички зафати во електродистрибутивната мрежа, денеска повеќе делови од Скопје ќе останат без електрична енергија, соопшти Регионалниот центар за управување со кризи, повикувајќи се на информација од ЕВН Македонија.
Во периодот од 7:00 до 12:00 часот, струја ќе немаат дел од корисниците на улицата „516“ во населбата Керамидница, Општина Гази Баба.
Од 9:00 до 10:30 часот, без напојување ќе бидат и дел од жителите на населбата Долно Нерези во Општина Карпош, а од 9:00 до 14:30 часот – и корисниците на делови од улицата „Славка Динкова“ во населбата Драчево, Општина Кисела Вода.
Во истиот ден, од 9:30 до 13:00 часот, струја ќе нема и во делови од улицата „Мијачка“ во населбата Дексион, Општина Ѓорче Петров.
Се препорачува граѓаните навреме да ги завршат потребните обврски и да се прилагодат на привремените прекини.
