Скопје

Десет години од првата средба на Пеленица: Родителите на деца со церебрална парализа ја дадоа поддршката на Орце Ѓорѓиевски

Пред една деценија, на излетничкото место Пеленица, се одржа прваото дружење на членовите на Здружението на родители на деца со церебрална парализа со градоначалникот Орце Ѓорѓиевски, кандидат за градоначалник на Скопје. Градоначалникот извести дека денот го поминал на традиционален излет со децата од Здруженито, чии членови ја искористија средбата да ја прослават неговата нова кандидатура и да му упатат јавна поддршка.

Свое видување за оваа средба сподели Марјан Илковски, родител во Здружението кое постои околу половина век.

„Пред околу 10 години еден наш родител кажа дека некое момче од Драчево сака да ги однесе нашите деца на Пеленица, да ги почасти и да се дружи со нив. И така беше. Тоа момче беше денешниот кандидат за градоначалник за град Скопје, драгиот наш пријател Орце Ґорґиевски. Тогаш тој не беше ниту советник, ниту градоначалник, туку обичен човек како сите нас“, вели Илковски во пост на Фејсбук и дообјаснува:

„Од прв момент зрачеше со позитивна енергија и нашите деца веднаш го засакаа. Оттогаш дружбите станаа сѐ почести – за празници, родендени, па и за неговиот роденден. Разни настани, празници, родендени, а за неговиот роденден носејки ги децата во кафуле“.

Ветувањето дека ако стане градоначалник на Општина Кисела Вода ќе им обезбеди простор за здруженито, во 2021 година прераснало во дело – Здружението добило простор, како што го нарекуваат -„клупче“, каде што децата и родителите редовно се среќаваат и одржуваат терапии, работилници и меѓусебно се поддржуваат.

Илковски вели дека поради таа блискост и искреност ја поддржуваат и неговата кандидатура.

„Ние сме со тебе исто како што ти си со нас цело време. Му посакуваме здравје, среќа и победа во првиот круг“.

Родителите веруваат дека долгогодишното пријателство со Ѓорѓиевски останува како цврста гаранција дека нивните деца ќе имаат глас и во иднина.

Скопје

Николоски: Карпош добива нов урбан лик со реконструкција на над 15 улици

Преку петнаесетина улици ќе се реконструираат во општина Карпош со подршка на Владата. Општината полека ќе го смени урбаниот лик и ќе се развива, истакна вицепремиерот и министер за транспорт Александар Николоски при денешната посета на општина Карпош.

Николоски заедно со градоначалникот Сотир Лукровски извршија увид во реконструкција на ул. Јуриј Гагарин, проект кој се реализира со подршка на Министерството за транспорт, а во заедничка соработка со општината.

“ Ова беше заглавен проект, ова беше проект без разлика што имавме обезбедено средства, не можевме да го реализираме. Откако беше избран за градоначалник, заедно со службите во општината, успееја да ги решат сите предизвици на овој проект, да се решат проблемите и еве веќе се гради и ако се оди добро и не послужи времето до Нова година може да се заврши оваа улица, паркингот зад зградите и да се добие нов урбан лик на овој простор. Сакам да најавам дека дополнително на ова имаме уште еден проект кој се реализира со Светска банка во вредност од над 13 милиони денари, тоа е улицата Петар Чаулев, целосна реконструкција околу 600 метри што дополнително се надевам ќе допринесе за урбаниот развој на општината. На тоа додаваме уште дванаесетина проекти кои што ги резлизираме преку вториот повик на Владата и севкупно имаме значајни проекти за општина Карпош. Тука е и подршката на Владата, мојата лична подршка за дополнителни работи кои треба да ги направиме во Карпош. Со изборот на новиот градоначалник, со неговата напорна работа се гледаат промените и навистина сите имаме желба да помогнеме и да се случуваат убави работи во општина Карпош”-изјави вицепремиерот Николоски.

Скопје

Прекин на електрична енергија денеска во Горно Нерези, Глуво и Мирковци

Регионалниот центар за управување со кризи (РЦУК) информира, повикувајќи се на известување од ЕВН Македонија, дека денес од 9:00 до 15:00 часот ќе има прекин во снабдувањето со електрична енергија за корисниците од неколку населени места.

Прекинот ги опфаќа корисниците од селото Горно Нерези и корисниците од селата Глуво и Мирковци.

Станува збор за планиран прекин, а корисниците се повикуваат на трпение до завршувањето на работите.

Скопје

Жителите на одредени делови од Аеродром денес без вода

Јавното претпријатие „Водовод и канализација“ – Скопје информираше за привремен прекин во водоснабдувањето за дел од корисниците лоцирани на булеварот „АСНОМ“, во населбата Аеродром.

Прекинот, кој започна вечерва во 18:45 часот, е предизвикан од уличен водоводен дефект на цевка со дијаметар Ф100 мм, конкретно кај број 74 на булеварот.

Погодени корисници ќе бидат корисниците лоцирани на булевар „АСНОМ“ од број 70 до број 116.

Екипите на ЈП „Водовод и канализација“ се на терен и работат на отстранување на дефектот. Водоснабдувањето ќе биде нормализирано веднаш по завршувањето на работните активности, за што јавноста ќе биде дополнително известена.