Градоначалникот на Битола, Тони Коњановски, денеска изврши увид во градежните активности на автопатот Битола–Прилеп, дел од стратешкиот Коридор 10Д. Тој нагласи дека овој капитален проект претставува клучна инвестиција за економскиот и инфраструктурниот развој на целиот Пелагониски регион.
„Овој автопат е од огромно значење за нашиот регион. Го поврзува Битола со автопатската мрежа, го забрзува и олеснува транспортот, и отвора нови можности за туризмот, бизнисот и поврзаноста со останатиот дел од државата“, изјави Коњановски.
Како што истакна, преку новата делница ќе се обезбеди:
побрз и побезбеден проток на луѓе и стоки, подобра комуникација помеѓу градовите, како и поттик за нови инвестиции во Пелагонија.
Коњановски додаде дека општината Битола ќе продолжи да го поддржува секој проект што ја унапредува локалната инфраструктура и ја приближува Пелагонија кон европските стандарди.
