На церемонија одржана во планинскиот регион на ирачката покраина Сулејманија, борците на Курдистанската работничка партија (ПКК) почнаа да го предаваат оружјето, означувајќи крај на повеќе од четири децении вооружена борба против Турција.
Во мај годинава, групата одлучи да се распушти и да го положи оружјето со цел да го поддржи процесот на транзиција кон демократска политика.
ПКК е прогласена за терористичка организација од страна на Турција и нејзините западни сојузници.
