Во текот на изминатото деноноќие на територијата на Македонија се евидентирани вкупно 38 пожари на отворен простор, од кои три се сѐ уште активни, пет се ставени под контрола, а 30 се целосно изгаснати, информираше утрово Центарот за управување со кризи (ЦУК).
Според извештајот, активни пожари има во:
с. Николич, општина Дојран – низок шумски појас с. Џидимирци, општина Велес – мешана шума просторот меѓу селата Црешнево, Крапа и Локвица во Македонски Брод – деградирана дабова шума и грмушки
Пожари кои се ставени под контрола се забележани во Слатина и Слатински извори (Македонски Брод), с. Блаце – с. Горњани (Чучер Сандево), и на две локации во општина Долнени – селата Црнилиште и Дебреште, каде гореле депонии.
Најголемиот дел од пожарите, вкупно 30, се успешно изгаснати. Се работи претежно за опожарени ниски вегетации, отпад, гранки и стрништа, а во некои случаи и за мешани или нискостеблести шуми. Пожари се пријавени во општините Куманово, Струмица, Битола, Прилеп, Крива Паланка, Радовиш, Велес, Ресен, Гевгелија и други.
ЦУК апелира до граѓаните за зголемена внимателност и воздржување од палење отпад и растителен материјал на отворено, особено во услови на високи температури и ветер. Институциите остануваат во состојба на зголемена готовност.
