Црна Хроника

Силна експлозија ја разбуди Битола – фрлена експлозивна направа на улицата Охридска

Битолчани ноќеска беа разбудени од силна експлозија околу 2 часот по полноќ, откако на улицата Охридска беше фрлена експлозивна направа од засега непознат сторител. Од СВР Битола потврдуваат дека инцидентот се случил околу 2:05 часот и предизвикал значителна материјална штета.

Според првичните информации, оштетени се повеќе паркирани возила, меѓу кои „Фолксваген“, „БМВ“, „Тојота“, „Киа“, „Рено“, „Матиз“ и „Тико“, сите со битолски регистарски ознаки. Освен возилата, експлозијата оштетила и неколку прозорци и врати од околните куќи.

На местото на настанот беше извршен увид од страна на увидна екипа на СВР Битола во координација со јавен обвинител. За среќа, нема повредени или загинати лица, но жителите на улицата се во шок од силната детонација.

Надлежните институции најавија дека се преземаат интензивни мерки за расветлување на случајот и пронаоѓање на сторителот. Истрагата е во тек.

Црна Хроника

Тешка несреќа на автопатот Скопје- Велес

На 22.12.2025 околу 15:00 часот во СВР Скопје е пријавено дека на автопатот Скопје- Велес, кај Катланово, патничко возило „фиат“ со велешки регистарски ознаки, управувано од О.П.(49) од Велес, излетало од коловозот.

Во несреќата со тешки телесни повреди се здобил возачот, констатирани во Комплексот клиники „Мајка Тереза“.

Извршен е увид од увидна екипа од СВР Скопје.

Црна Хроника

Физички напад со остар предмет во Тетовско, едно лице повредено

На 22.12.2025 во 16:40 часот во Полициското одделение Теарце бил пријавен случај на физички напад во селото Теарце. Според пријавата, околу 14:30 часот, по претходна расправија, Р.М.(41) од с.Теарце физички го нападнал З.Б.(53) од с.Слатино, при што употребил остар предмет и му нанел повреди.

Повредениот бил пренесен во Клиничката болница Тетово, каде што му биле констатирани телесни повреди. Осомничениот Р.М. е задржан во полициска станица, а по целосно документирање на случајот против него ќе следува соодветен поднесок.

Црна Хроника

Пожар во Штип го проголта хангарот за картон и алуминиум

На 22 декември 2025 година, во 23:11 часот, во СВР Штип е пријавен пожар кој зафатил објект на улицата „Железничка“ во Штип, сопственост на 49-годишниот С.В. Од локалните власти информираат дека огнот најпрво го зафатил складираниот отпад, а потоа се проширил и на хангари во кои се наоѓале три преси за картон и алуминиум.

На среќа, при пожарот нема повредени лица, а интервенирала екипа на Територијалната противпожарна единица Штип која брзо успеала да го стави огнот под контрола. Причините за избувнувањето на пожарот засега се во тек на истрага.