Црна Хроника

Кривична пријава против тетовска обложувалница и вработена

СВР Тетово поднесе кривична пријава против правно лице – друштво за трговија, обложување и приредување на игри на среќа од Тетово, како и против 25-годишната вработена Д.С., поради сомнение за сторено кривично дело „недозволена наплата или исплата во ефективни странски пари“, казниво според Законот за девизно работење.

При акциска контрола извршена на 23 и 24 април 2025 година во просториите на пријавеното правно лице, инспекторите ја затекнале пријавената вработена, при што во касата биле пронајдени и одземени девизни парични средства.

Според полицијата, со тоа друштвото и вработената постапиле спротивно на прописите, со што незаконски вршеле наплата или исплата во ефективни странски пари. Случајот е предаден на надлежното обвинителство за понатамошна постапка.

Црна Хроника

Лажна сообраќајна несреќа во Тетово – Поднесени кривични пријави

СВР Тетово поднесе кривична пријава против А.Б. (44), М.А. (39) и Г.Ш. (25), сите од Тетово, поради сомнение за кривично дело измама.

На 16 декември 2024 година, тројцата се обиделе со лажно прикажување на настан да измамат полицајци од сообраќајната полиција. Тие во круг на автоперална на ул. „Маршал Тито“ во Тетово фиктивно ги судриле возилата – „БМВ“ со швајцарски и „БМВ“ со тетовски регистарски ознаки – со цел да наплатат осигурување од осигурително друштво.

Црна Хроника

Полицаец повреден додека регулирал сообраќај

Полицаец е повреден откако бил физички нападнат од скопјанец додека го регулирал сообраќајот за време на протест во Скопје, соопшти МВР.

Инцидентот се случил вчера (23.12.2025) на крстосницата на булеварот Никола Карев со улицата Македонско-косовска бригада, на подрачјето на Бит-пазар. Напаѓачот, А.С. (24) од Скопје, бил приведен од полицијата.

Повредениот полициски службеник бил пренесен во Градската општа болница „Св. Наум Охридски“, каде му биле констатирани телесни повреди.

Црна Хроника

Женa пронајдена мртва во езерцето во Градскиот парк во Струмица

Во Струмица, синоќа околу 01:45 часот, во Градскиот парк е пронајдена почината жена во едно од езерцата, потврдија од Регионалниот центар за управување со кризи – Струмица.

На местото на настанот веднаш излегле јавен обвинител и полициски службеници, кои извршиле увид. Телото на жената е предадено на Судска медицина за обдукција, со цел да се утврдат точните причини за смртта.

Од Министерството за внатрешни работи информираат дека подетални информации за случајот ќе бидат објавени во текот на денот.