Црна Хроника

Пожар во Скопје уништи три возила – нема повредени

Рано утрово, околу 04:15 часот, на улицата „Петар Ацев“ во Скопје избувнал пожар во паркирано патничко возило „Фолксваген Голф“ со скопски регистарски ознаки, сопственост на 43-годишниот Г.М. од Скопје. Возилото целосно изгорело, а огнот зафатил уште две соседни возила – „Форд Фиеста“ сопственост на Б.Ѓ. (51) и „Пежо“ сопственост на К.Т. (55), исто така од Скопје.

Бригадата за противпожарна заштита Скопје интервенирала и пожарот бил изгаснат без да има повредени лица.

Од Министерството за внатрешни работи информираат дека е извршен увид од страна на екипа на СВР Скопје, а причините за пожарот дополнително ќе се утврдуваат.

Црна Хроника

Голем дефект на 110kV трафостаницата “Тетово 1” го остави цело Тетово без струја

Дел од корисниците во Тетово се без снабдување со електрична енергија поради дефект на 110 kV трафостаницата „Тетово 1“, информираат од Електродистрибуција.

Како што соопштуваат, прекинот во електроснабдувањето започнал од 16 часот, а екипите на Електродистрибуција се на терен и интензивно работат на отстранување на дефектот и нормализирање на снабдувањето со електрична енергија.

Црна Хроника

Застој на автопатот Скопје–Тетово, камион се превртел кај Желино

Тешка сообраќајна незгода се случи пред малку на автопатот Скопје – Тетово. Според првичните информации, камион се превртел веднаш по наплатната рампа кај Желино, што предизвика значителен застој во сообраќајот.

Блокирани се првите две ленти, а возилата се пропуштаат само по третата лента.

Дополнителен проблем за возачите претставуваат временските услови. На овој патен правец има појава на густа магла, која значително ја намалува видливоста.

Се апелира до сите учесници во сообраќајот да ја прилагодат брзината на условите на патот, да држат соодветно растојание и да бидат исклучително внимателни додека поминуваат на овој потег додека трае увидот и расчистувањето на теренот.

Црна Хроника

Две жени нападнати во автобуси на ЈСП во Скопје

Во два одделни инциденти на 19 декември 2025 година, две жени од Скопје биле физички нападнати додека се возеле во автобуси на ЈСП.

Првиот случај се случил околу 15:00 часот во подрачјето на Гази Баба, кога А.С. (46) пријавила дека била нападната од И.С. (39) од Скопје.

Вториот инцидент се случил околу 17:20 часот во подрачјето на Драчево, кога С.Ј. (55) била нападната од непознато женско лице додека се качувала во автобус.

Полицијата презема мерки за расчистување на двата случаи.