Центарот за управување со кризи (ЦУК) информира дека до 12:30 часот на 15 јули 2025 година на територијата на државата се регистрирани вкупно девет пожари на отворен простор, од кои шест се активни, а три се изгаснати.
Моментално активни пожари се евидентирани на следниве локации:
Општина Дојран: село Николич – пожар во нискостеблеста шума
Општина Чучер-Сандево: село Горњани – пожар во нискостеблеста шума
Општина Велес: во близина на селата Џидимирци и Крушје – пожар во мешана шума
Општина Македонски Брод: помеѓу селата Црешнево, Локвица, Крапа и Слатина – зафатена деградирана дабова шума, грмушки и ниска вегетација
Општина Гази Баба: село Раштак кон село Љуботен – горење на отпад
Општина Сарај: село Крушопек кон село Лака – горење на отпад
Изгаснати се следниве пожари:
Општина Битола: населба Баир – запален отпад
Општина Кичево: улица Прилепска – дива депонија
Општина Кратово: село Туралево – зафатени грмушки и ниска вегетација
Надлежните служби се на терен и активно работат на локализирање и гаснење на активните пожари. Граѓаните се повикуваат на внимателност и одговорно однесување, особено во подрачјата со суви тревни површини и шуми.
