Дали цело време неправилно ги пржите јајцата? Оваа метода е далеку поздрав избор
Јајцата се незаменлив дел од речиси секоја кујна. Често се првата опција кога не знаеме што да подготвиме – дали како брза кајгана, варени, поширани, во вид на омлет или едноставно пржени „на око“.
Иако традиционално пржените јајца не се сметаат за најздрава варијанта, за многумина тие се омилен појадок, особено кога се сервираат на парче тост. Но, дали постои начин да се ужива во нивниот вкус без претерување со масло и калории?
Одговорот е – да. На интернет кружи поздрав, но подеднакво вкусен начин за подготовка на јајца: пржење во фритеза на врел воздух.
Подготовка без масло, со полн вкус
Блогерката Рене од кулинарскиот блог Kudos Kitchen предлага иновативен и поздрав пристап – пржење на јајца во фритеза. Наместо класично масло, таа препорачува користење малку путер за побогат вкус или кулинарски спреј како полесна опција.
Како се подготвуваат јајцата во фритеза?
Во корпата од фритезата поставете мал алуминиумски калап или тркалезен сад што може да издржи висока температура.
Додадете малку путер во садот и загрејте на 180°C околу една минута, додека путерот не се растопи.
Потоа внимателно скршете ги јајцата во загреаниот калап – во зависност од големината на садот, може да ставите повеќе.
Печете на 190°C околу 4 до 5 минути, сè додека белките не се зацврстат, а жолчките да бидат печени според вашиот вкус.
Со оваа техника се добиваат совршено испржени јајца без претерување со маснотии – брзо, едноставно и многу поздраво.
