Ѓорѓиевски: Одобрени се средства од Владата за  реализација на 22 капитални проекти за Кисела Вода

Општина Кисела Вода доби финансиска поддршка за реализација на дури 22 капитални проекти преку Вториот јавен повик на Владата на Република Македонија. На денешната свеченост во Владата, градоначалникот Орце Ѓорѓиевски ги потпиша договорите за проектите кои се директна инвестиција во здравствениот, образовниот, социјалниот и инфраструктурниот развој на општината.-Овој потег претставува сериозна институционална поддршка за забрзан развој на општините, рамномерен напредок на сите региони и директна инвестиција во квалитетот на живот на граѓаните. Искрено се заблагодарувам на Владата на Република Македонија, на премиерот Христијан Мицкоски, како и на Министерството за локална самоуправа како координатор на овој процес, за оваа значајна и конкретна поддршка која ја добиваме како локална самоуправа.Средствата што денеска ги добивме значат огромен исчекор за Општина Кисела Вода и тоа  не само како општина, туку како заедница на луѓе, на семејства и нивните секојдневни потреби. Кисела Вода доби поддршка за 22 капитални проекти кои се директна инвестиција во здравствениот, образовниот, социјалниот и инфраструктурниот развој на општината. Тоа не се само проекти на хартија, туку реални решенија за реални потреби на нашите сограѓани.Оваа соработка помеѓу локалната и централната власт е вистински пример како заеднички, здружено, можеме да инвестираме во иднината и на секое село,  на секоја населба, и на секој град и општина. Ова е рамномерен развој на дело, нешто што ретко се памети во минатото, и претставува основа за стабилен и траен прогрес. Ова е силен поттик за понатамошна работа и реализација на големи проекти кои ја менуваат сликата на Кисела Вода, но и на цела Македонија-изјави градоначалникот Орце Ѓорѓиевски. Проектите за кои се одобрени средства се: 

1.Поликлиника на ГП 06.01, формирана со урбанистички план согласно член 63 од Законот за урбанистичко планирање.

2.Фекална канализација за населбата Бабин Дол, согласно урбанистички план за четврт Ј15.

3.Основен проект за реконструкција на објектот на месната заедница Драчево, КП 8411/1, КО Драчево 1.

4.Основен проект за реконструкција на објектот на месната заедница Пинтија, КП 6377, КО Кисела Вода 2.

5.Основен проект за доградба на спортска сала во ООУ „Кузман Шапкарев“, населено место Драчево, КП 8824, КО Драчево 1.

6.Основен проект за јавно улично осветлување на патот кон манастир Пеленица.

7.Атмосферска канализациона мрежа на дел од ул. Томе Арсовски од Шампионче со парк Бирарија на територија на Општина Кисела Вода;

8.Реконструкција на улица Жил Верн, општина Кисела Вода;

9.Реконструкција на улица 527, општина Кисела Вода;

10.Основен проект за Реконструкција на линиски објекти – Улица Саса со краци, улица Речиште со краци, улици во Герника и улица Иван Хаџиниколов на територија на Општина Кисела Вода- Опфат: Улица Иван Хаџиниколов со краци и улица Герника;

11.Основен проект за пешачки патеки со партерно уредување на просторот пред сала „Расадник“

12.Основен проект за Реконструкција на линиски објекти – Улица Саса со краци, улица Речиште со краци, улици во Герника и улица Иван Хаџиниколов на територија на Општина Кисела Вода -Опфат: Улица Речиште со краци;

13.Основен проект за Реконструкција на коритото на р.Мала Рада (Дното на коритото, довршување на венец на потпорни ѕидови и пешачка патека на насипот на р.Мала Рада);

14.Основен проект за Реконструкција на линиски објекти – Улица Саса со краци, улица Речиште со краци, улици во Герника и улица Иван Хаџиниколов на територија на Општина Кисела Вода – Опфат: Улица Саса со краци;

15.Основен проект за спортска сала (затворено спортско игралиште) – подрачно Основно училиште „Круме Кепески“ – Припор и

16.Основен проект за реконструкција на Атмосферски канал (Црн Канал) од ул. Малешевска 1 до Мала Рада во КО Драчево 2, општина Кисела Вода.

17.Основен проект за Реконструкција на линиски објект – дел од локален пат од мост Драчево до Охис на територија на општина Кисела Вода;

18.Основен проект за реконструкција на улица Киро Фетак во дел кај мостот;

19. Основен проект за доградба на ООУ “Невена Георгиева – Дуња“, општина Кисела Вода – Скопје и Основен проект за доградба на ООУ “Невена Георгиева – Дуња“, општина Кисела Вода – Скопје (втор дел – адаптација и новопланиран партер);

20.Новопроектирана „Улица 2“ и паркинг простор во КО Кисела Вода 1 (позади ООУ “Кузман Јосифовски Питу”) на територија на Општина Кисела Вода;

21.Основен проект за Реконструкција на ул. Томе Арсовски во ДУП за локалитет Бирарија на територија на општина Кисела Вода и

22.Основен проект за Реконструкција на ул. Фредерик Шопен во ДУП локалитет Бирарија на територија на општина Кисела Вода.