Израелски напад во Дамаск го прекина преносот во живо: Водителката не можеше да продолжи со своето обраќање [ВИДЕО]

Израелски воздушни напади во Дамаск: Прекинат телевизиски пренос, таргетирана претседателската палата

Израелските воздушни сили на 16 јули извршија силни удари врз цели во главниот град на Сирија, Дамаск, како одговор на офанзивата на сириските владини сили против Друзите во југозападниот дел на земјата.

Најинтензивно беше погодена претседателската палата во центарот на Дамаск, која се смета за еден од стратешките објекти на режимот на претседателот Ахмед ал-Шааре. Ударите биле изведени во интервали од неколку часа, а експлозиите биле толку силни што привремено го прекинале програмот на сириската државна телевизија. Водителка во живо не успеала да го продолжи преносот по првата детонација, а нападите биле фатени од камерите во студиото.

Израелскиот министер за одбрана, Исраел Кац, сподели видео од прекинот на телевизискиот пренос со коментар: „Тешките удари започнаа“, алудирајќи на сериозноста на акцијата. Некои аналитичари шпекулираат дека нападот врз палатата би можел да претставува обид за атентат врз претседателот ал-Шааре, во рамки на поширока воена стратегија.

Нападите доаѓаат по заземањето на градот Сувајда од страна на сириските сили, кој дотогаш бил под контрола на Друзите — заедница која долготрајно е во судир со режимот во Дамаск.

Ситуацијата на терен останува нестабилна, а меѓународната заедница со загриженост го следи развојот на настаните.

Footage of Israel attacking Damascus. pic.twitter.com/VBmcVvminb

— Clash Report (@clashreport) July 16, 2025