Кумановец пријавен за фалсификувана диплома при вработување во јавно претпријатие

СВР Куманово поднесе кривична пријава против 61-годишниот М.Ј. од Куманово, поради сомнение дека сторил кривично дело „фалсификување исправа“.

Според полицијата, пријавениот во текот на 2023 година набавил фалсификувана диплома од средно училиште во Скопје, која потоа ја користел при аплицирање на јавен оглас за вработување во јавно претпријатие во Куманово.

Случајот е документиран и по комплетирање на доказите, ќе следува соодветна правна постапка.