Пожар што избувна попладнево доведе до целосно затворање на автопатот од наплатната рампа Миладиновци до клучката Бунарџик, соопшти Министерството за внатрешни работи. Сообраќајот во двата правца е во прекин, а возилата се пренасочуваат преку Петровец.
Од МВР апелираат до граѓаните да не се движат кон овој потег додека не се создадат безбедни услови за нормализирање на сообраќајот.
„Граѓаните ќе бидат навремено информирани кога ќе биде дозволено движење по овој дел од автопатот“, велат од Министерството.
Екипи на противпожарната служба се на терен и работат на локализирање на пожарот.
