Владата на Република Македонија го продолжи рокот за пријавување на јавниот повик за ангажирање на 400 пожарникари низ државата до 23 јули (среда), со цел да им се даде шанса на што поголем број заинтересирани граѓани да аплицираат.
„Ова е значајна мерка за јакнење на капацитетите на системот за заштита и спасување, особено во пресрет на летото, кога ризикот од пожари е зголемен,“ се наведува во соопштението од Владата.
Мерката е дел од Планот за вработување 2025 и претставува прв крупен чекор за системско решавање на долгогодишниот недостиг од кадар во противпожарните единици. Станува збор за најголем ангажман на пожарникари во последните десет години.
