Поранешен советник на Пентагон: САД имаат ракетни залихи само за осум дена војна
Поранешниот советник на Пентагон, Даглас Макгрегор, објави загрижувачки податок според кој Соединетите Американски Држави располагаат со ракетни залихи доволни за само околу осум дена евентуален вооружен конфликт.
Во објава на социјалната мрежа X, Макгрегор повика Вашингтон веднаш да престане со испораките на оружје кон странски држави.
„Америка мора да престане да испраќа оружје во странство. Според мошне доверливи извори, на располагање имаме приближно осум дена офанзивни и одбранбени ракети, и тоа само во форма која е лесно достапна. Со други зборови, можеме да водиме осумдневна војна, а потоа би морале да прибегнеме кон нуклеарно оружје“, напиша Макгрегор.
Тој додаде дека не е сигурен дали американскиот претседател Доналд Трамп е запознаен со сериозноста на состојбата.
„Не сум сигурен дека Трамп е информиран за ова. Треба да знае колку се навистина мали нашите резерви“, предупреди Макгрегор.
Неговата изјава доаѓа во време на растечки тензии на повеќе фронтови, додека САД продолжуваат да обезбедуваат воена помош на сојузници ширум светот.
America needs to stop sending weapons abroad.
Very reliable sources tell me we have roughly 8 days of offensive and defensive missiles on hand and readily available.
Translation, we can fight an 8 days war and then we would have to go nuclear.
— Douglas Macgregor (@DougAMacgregor) July 18, 2025
