Технологија

Економист од „Аполо“ предупредува: Балонот на вештачката интелигенција е поопасен од dot-com кризата

Упозорувањата дека индустријата со вештачка интелигенција (AI) би можела да прерасне во следниот голем финансиски балон сè почесто добиваат поткрепа од аналитичарите. Најновиот сигнал доаѓа од Торстен Слок, главен економист на Apollo Global Management, кој тврди дека тековната еуфорија околу AI е уште поопасна од онаа што му претходеше на dot-com крахот во доцните 1990-ти.

„Разликата е во тоа што денес десетте најголеми компании во индексот S&P 500 се уште повреднувани отколку што беа во dot-com периодот“, вели Слок во својата анализа, посочувајќи на енормно високите P/E (price-to-earnings) коефициенти – класичен показател за пазарна преценетост.

Главниот товар на „AI балонот“ го носат технолошките гиганти како Nvidia, Microsoft, Apple, Amazon, Meta и Alphabet, кои вложуваат милијарди во развој на AI-инфраструктура, но моменталната добивка сè уште не го следи тој темпо. Според податоците, овие компании се тргуваат по цени кои далеку ги надминуваат нивните реални приходи – слична динамика што претходно го надувуваше dot-com балонот.

Слични сомнежи се појавија и во 2023 година, кога аналитичари предупредуваа дека ентузијазмот околу генеративната AI не е поткрепен со јасна пазарна вредност. Дополнителен удар на довербата дојде оваа година од Кина, каде што компанијата DeepSeek тврдеше дека нивниот chatbot, развиен со минимални трошоци, може да се мери со најнапредните модели од западните гиганти – по што следеше пад на берзата вреден над еден билион долари.

И покрај сè, инвестициите продолжуваат со полна пареа. Само компанијата Meta најави дека во 2025 ќе инвестира над 60 милијарди долари во капитални проекти поврзани со AI, додека целокупната генеративна AI индустрија според S&P Global до 2029 треба да генерира приходи од 85 милијарди долари – сума која, според некои аналитичари, не е доволна за да ги оправда актуелните вложувања.

Дали AI-индустријата ќе успее да го исполни своето ветување или ќе се претвори во уште еден глобален економски шок – останува прашање што сè повеќе ја загрижува и финансиската и технолошката заедница.

Технологија

Google ја укинува омилената апликација – еве со што ќе биде заменета

Google ќе го укине Google Assistant на повеќето Android уреди почнувајќи од почетокот на следната година, како дел од планот за замена на гласовниот помошник со новата вештачка интелигенција Gemini.

Google Assistant, лансиран во 2016 како конкурент на Apple Siri и Amazon Alexa, ќе биде надграден со Gemini, кој ќе се користи и на таблети, автомобили, слушалки, часовници и паметни куќни уреди. Новиот систем ќе овозможува природно гласовно управување и исти команди како претходниот помошник.

Google исто така претстави Gemini Home AI за паметни куќни уреди, а новиот Google Home Speaker се очекува во пролет 2026. Google Assistant ќе остане активен до март 2026, по што корисниците ќе бидат целосно префрлени на Gemini.

Претходно услугата се викала Bard, но беше ребрендирана во Gemini почетокот на 2024, кој сега покрива и AI модели и домашни уреди.

Технологија

На ChatGPT и требаат 200 милијарди долари да продолжи со операциите

Според најново истражување на HSBC, OpenAI, сопственикот на ChatGPT, би можел до 2030 година да треба да обезбеди околу 207 милијарди долари за продолжување на своето работење, поради растечките трошоци за компјутерска инфраструктура и глобалната трка во областа на вештачка интелигенција.

Приходите се очекува да достигнат околу 129 милијарди долари, додека трошоците за cloud инфраструктура би можеле да достигнат 800 милијарди долари. ChatGPT би можел да достигне три милијарди редовни корисници, споредено со 800 милиони минатиот месец.

OpenAI во последните три години привлече големи инвестиции, а во октомври стана највредната приватна компанија во светот, проценета на околу 500 милијарди долари. Трошоците за раст се зголемуваат побрзо од приходите, што претставува ризик за компанијата и за технолошките партнери како Microsoft, Amazon и Oracle.

Технологија

Еве што најмногу ја троши батеријата на вашиот телефон

И покрај поефикасните процесори, подобрените батерии и напредните системи за управување со енергијата, батеријата на смартфоните и понатаму брзо се празни – најчесто поради начинот на кој ги користиме уредите.

Апликации во позадина

Најголеми „скриени“ потрошувачи се апликациите што работат во позадина – социјални мрежи, фитнес-тракери, па дури и тастатури. Проверете во Поставки > Батерија кои апликации трошат најмногу енергија и ограничете ја нивната позадинска активност. Намалете ја и автоматската синхронизација кај мејлови, календари и облак-сервиси.

Екранoт – најголемиот потрошувач

Осветлувањето и високата стапка на освежување значително го скратуваат траењето на батеријата. Користете адаптивна светлина наместо рачна и ограничете го освежувањето на 60Hz кога не играте игри. Темниот режим е особено ефикасен кај OLED екрани, бидејќи исклучува дел од пикселите и штеди енергија.

Паметно полнење

Современите телефони нудат функции за заштита на батеријата кои го забавуваат полнењето над 80% за да се намали долгорочното оштетување – вклучете ја оваа опција. Користете полнење со кабел кога можете и избегнувајте честo брзо полнење, освен кога сте во итност.

Со внимателни поставки и неколку навики, батеријата може да трае значително подолго без разлика на моделот на телефонот.