Градежната компанија ГД „Гранит“ АД Скопје ја информира јавноста дека затворањето на улицата „Широка“ во Битола ќе биде продолжено до среда, 23 јули 2025 година. Причината за продолжувањето на затворањето е реализацијата на проектот на Општина Битола за реконструкција на дел од улицата „8-ми Септември“.
Проектот опфаќа повеќе фази, вклучувајќи: реконструкција и доградба на коловозот во должина од 840 метри, изградба на атмосферска и мешовита канализација, изработка на куќни приклучоци, нова водоводна мрежа, како и поставување на улично осветлување.
Според Временото сообраќајно решение – фаза 7 и 8, затворањето на споредната улица „Широка“ е неопходно за безбедно извршување на градежните активности, особено оние поврзани со асфалтирање.
Се апелира до сите учесници во сообраќајот да ја почитуваат поставената привремена сигнализација и да ги користат алтернативните патишта за движење.
